Претседателот на Собранието на Република Северна Македонија Талат Џафери денеска во рамки на посетата на Софија по повод ратификацијата на Протоколот за НАТО во бугарскиот Парламент, се сретна со премиерот на Бугарија Бојко Борисов.
На средбата, двајцата ја поздравиле одличната соработка меѓу Софија и Скопје во изминатите години, како и напорите на Бугарија за поддршка на нашата држава на европскиот пат и развој, соопшти прес-службата на бугарската Влада.
Бугарскиот премиер Борисов, истакнал дека Бугарија е доследна во својата поддршка за Република Северна Македонија, како во 2017 година со потпишување на Договорот за добрососедство и за време на бугарското претседателство со Советот на ЕУ во 2018 година, така и денеска кога бугарскиот Парламент го ратификува Протоколот за НАТО.
Борисов, исто така, го посочил и значењето на проектите од инфраструктурата, транспортната и дигитална поврзаност, нагласувајќи дека земјите од регионот треба да работата активно за зголемување на бруто домашниот приозвод.
– Колку повеќе сме регионално поврзани, толку се поголеми перспективите за инвестиции, за мир и за просперитет, изјави Борисов.