Потпретседателот на СДСМ, Дамјан Манчевски и Љупчо Николовски, член на Извршниот одбор на СДСМ, денеска се сретнаа со високи претставници на ОБСЕ, Беата Мартин Розумилович, директорка на Департманот за избори и Јан Хаукас, специјалниот претставник на ОБСЕ во Виена.
На средбата се разговараше за текот на преговорите за изборното законодавство и можностите преку коишто мисијата на ОБСЕ може да помогне во имплементацијата и мониторингот на договореното во рамки на преговорите.
Потпретседателот на СДСМ, Дамјан Манчевски ја истакна важната и клучна улога на мисијата на ОБСЕ/ОДИХР во Македонија и рече дека позициите на СДСМ во текот на преговорите коишто треба да гарантираат имплементација на Договорот од Пржино, се во насока на изнаоѓање решенија во согласност со препораките од последниот извештај на ОБСЕ/ОДИХР.
Потпретседателот Манчевски рече дека во овој клучен политички процес, СДСМ активно го вклучува граѓанскиот сектор којшто секогаш треба одблиску да ги следи политичките процеси во државата.