Министерот за внатрешни работи Оливер Спасовски денеска имаше работна средба со амбасадорот на Унгарија во Република Македонија, Јожеф Бенце.
На средбата, соопшти МВР, двајцата соговорници го изразија своето задоволство од интензивната соработка помеѓу двете земји на сите полиња, потенцирајќи ја соработката околу внатрешните работи.
Спасовски и Бенце, се наведува во соопштението, разменија мислења за тековната ситуација околу политичката криза во Република Македонија и за справувањето со миграциската криза, при што унгарскиот амбасадор ја истакна поддршката што Унгарија несомнено и ја дава на Република Македонија во овие области.