Генералниот секретар на СДСМ и пратеник, Александар Кирацовски, денеска, во Собранието на РМ, се сретна со амбасадорот на Република Франција во земјава, Кристијан Тимоние.
На средбата беше потврдена определбата за меѓусебна соработка и поддршка на реформските процеси во Република Македонија, во интерес на граѓаните.
Се разговараше за напредокот во спроведувањето на реформите од Планот 3-6-9, и можноста, преку имплементација на реформските приоритети да се обезбеди позитивна препорака за почеток на преговори за членство во Европската Унија.
Двајцата соговорници разговараа и за подобрување на функционалноста на Собранието на Република Македонија, како и за унапредување на политичкиот дијалог, кој е неопходен за демократските процеси во земјата.
Во однос на унапредувањето на односите меѓу Република Македонија и Република Франција, амбасадорот Тимоние најави дека во следниот период Франција ќе се посвети на поттикнување на иновациите и науката во Република Македонија, преку создавање Научна – програма за иновации.