Градоначалникот на Центар Саша Богдановиќ е во официјална посета на општина Бијоглу, Истанбул во рамки на состанокот на градоначалниците на збратимените градови.
Богдановиќ, како што информира општина Центар, остварил средба со градоначалникот на општина Бијоглу Ахмет Мисбах Демирчан.
На средбата биле разменети искуства за функционирањето на двете општини, а градоначалниците констатирале дека Центар и Бијоглу имаат можности за заеднички проекти, за размена на искуства и дговориле соработка во сите области.
Демирчан ја прифатил поканата на Богдановиќ да биде гостин на општина Центар.
Општината Бијоглу е централна и најразвиена општина во Истанбул.