Градоначалникот на Општина Гостивар, Невзат Бејта, денеска во својот кабинет го прими и разговараше со градоначалникот на Општина Центар, Андреј Жерновски.
На средбата двајцата соговорници разменија мислења за актуелната политичка ситуација во Република Македонија. Новата реформска Влада треба да ги направи сите неопходни чекори за демократизација на државата и за владеење на правото.
Коалициската Влада, се согласија Жерновски и Бејта, ќе работи на создавање услови за економски просперитет на сите граѓани, без разлика на етничка,верска и партиска припадност, како и за рамноправен развој на сите општини во државата.
Градоначалниците Бејта и Жерновски ги разгледаа можностите и за заедничка соработка и заеднички проекти на општините Центар и Гостивар, се вели во соопштението на Општина Центар.