Српски државјанин е приведен вчера на граничниот премин „Јажнице“ затоа што бил пријавен дека вчера наутро во угостителски објект во Тетово ограбил труски државјанин. Му зел пари, накит и лични предмети. Двајцата се познавале од претходно.
– На 17.06.2023 во 18.15 часот на граничен премин „Јажинце“ од полициски службеници е лишен од слобода А.А.(30) од Р.Србија затоа што, според пријавеното, околу 07.30 часот во угостителски објект во Тетово му одзел пари, накит и лични предмети на С.С.(39) од Р.Турција со кого се познавале од претходно и избегал од местото на настанот, информира МВР.
Кога бил приведен Србинот, кај него биле пронајдени украдените работи.