Северноатлантската алијанса планира до пролетта 2018 година да ја прими Македонија за полноправен член, изјави за Спутник извор близок до преговорите за членство на државата во НАТО.
– Генералниот секретар на НАТО, Јенс Столтенберг планира до средината на јули да го посети Скопје и да разговара за тоа. Цел на НАТО е до пролетта 2018 година државата да биде примена во Алијансата, изјавил соговорникот за агенцијата.
Според него, САД активно работат на тоа.
– Амбасадорот на САД во Скопје вчера имаше средба со министерката за одбрана и е разговарано за тоа, изјавил изворот.
Република Македонија ги исполни условите за членство во НАТО од 2008 година.
Македонскиот премиер Зоран Заев в понеделник ќе има средба со Столтенберг во седиштето на НТАО во Брисел.