Директор во ЕЛЕМ-Подружница Енергетика и претседател на советот во општина Илинден. Марјан Милошевски кој воедно е и претседател на општинскиот комитет на ВМРО-ДПМНЕ во Илинден спротивно на законот извршува две функции.
Во ек на оставки на најблиските соработници на Никола Груевски, тој е носител на две функции.
Потврда дека има судир на интереси се и анкетните листови кои Милошевски ги доставил до Државната комисија за спречување корупција.
На неговиот фејсбук профил има честитки за денот на енергетиката а повод е неговото директорско место во ЕЛЕМ.
Граѓани кои сакаа да останат анонимни до А1 испратија и фејсбук статус на Маријан Милошевски. Според нив скандалозно е што тој ветува вработувања и остава број за контакт но и вели дека помага таму кај што може и кај што има услови.
Поранешната претседателка на државната комисја за спречување корупција, Слаѓана Тасева вели дека е недозволиво едно лице да биде носител на две функции.
„Законот за спречување на судир на интереси го спречува ова прашање. Не е дозволено едно лице да биде носител на две функции во исто време и тоа треба да го провери државната комисија за спречување корупција“, изјави професорката Слаѓана Тасева за А1.
Во минатото неколку високи партиски функционери на ВМРО-ДПМНЕ под притисок на медиумите се откажаа од извршувањето паралелно по две функции.
Бојан Стојановски