Спречен поголем пожар во пехчевски „Суви Дол“

Од:

Пехчевските пожарникари – добороволци денеска гаснеа пожар кај место викано „Суви Дол“. Во пожарот, како што информираа, зафатени биле овошни насади, како и сува трева.

– Денеска пет членови на Доброволното противпожарно друштво од Пехчево, заедно со вработени од ПШС „Равна Река“ – Пехчево, интервенираа на пожар на место викано „Суви Дол“, каде гореа сува трева и овошни насади. Пожарот е локализиран во најкраток можен рок, изјавија од ДПД – Пехчево.

Оттаму апелираа да не се пали оган на отворено.

– Се молат сите граѓани да не палат сува трева и грмушки на отворено, бидејки знаеме што се случи минатата година и затоа, да не дозволиме да се повтори вакво сценарио, додадоа од ДПД – Пехчево.

Појава на запалени стрништа и сува трева, деновиве имаше и во атарот на каменичко.

Би можело да ве интересира

(ВИДЕО) Украина и Русија со различни „приказни“ за пожарот во една од најголемите руски рафинерии, во Јарослав

Алиу: За два дена над двесте прегледани лица во рамки на скринингот во Трубарево

Ангелов: Пожарот во депонијата кај Арачиново е подметнат

ЦУК: Од вкупно 22 пожари денес, само пет се активни

Ангелов: Полесно е повреден возачот од запалената цистерна на патот Гевгелија-Богданци

(ВИДЕО) Густиот чад од запалената цистерна на патот Гевгелија-Богданци предизвика паника кај локалното население