Во Кавадарци утрово околу 4 часот во златарницата „Перо“ е спречен грабеж од случајни минувачи, кои крадецот го предале на полицијата која веднаш стигнала на местото на настанот.
– Крадецот го скршил стаклото и иако се вклучил алармот тој не се откажал од ограбувањето и почнал да зема часовници, рече сопственикот на златарницата Петре Глигороски.
Штетата дополнително ќе се проценува. Часовниците биле расфрлани пред златарницата, а златото се наоѓало во сеф.