Спојувањето на СЈО во ЈО е прифатливо за ВМРО-ДПМНЕ, но не и предлогот Русковска да го води обвинителството

Од:

Спојувањето на СЈО во ЈО во едно обвинителство, на некој начин е практично прифатливо и тоа е една од оние можности кои што биле понудени, изјави Димче Арсовски, портпарол на ВМРО-ДПМНЕ.

Тој одговарајќи на новинарско прашање за новиот предлог-закон за Јавното обвинителство, смета дека деталите треба да бидат анализирани, а потоа од партијата ќе излезат со конкретни забелешки.

Во однос на предлогот на премиерот Зоран Заев, обвинителката Вилма Русковска да раководи со обвинителството, Арсовски рече дека дека ваквата идеја за нив е далеку од прифатлива.

„Зоран Заев со предлогот уште еднаш ја потврди спрегата помеѓу СДСМ, него и ‘Русковска обвнителството’. Тој уште еднаш потврди дека неговиот предлог за нов обвинител, наместо Катица Јанева е негов личен избор, односно човек кој што целиот изминат период работел за интересите на СДСМ и на оваа влада, и практично бил дел од селективната правда која што ја нарачуваше Зоран Заев од канцелариите на Владата, а Русковска обвинителството и Кацарска судството ја исполнуваа на дело. Сите оние кои што беа против Зоран Заев, кои што ќе се обидеа да кренат глава против Зоран Заев, беа обвинувани и осудувани од страна на Русковска и Кацарска. Затоа, тоа е една лична желба на Зоран Заев која што за нас е далеку од прифатлива“, изјави Арсовски.

Тој смета дека со предлог-законот се потврдува оти СЈО е полно со криминал и корупција, и не може да одговори на висината на задачата за која што било создадено.

Арсовски додаде дека ќе продолжат да инсистираат на датум за предвремени парламентарни избори.

Би можело да ве интересира

(ВИДЕО) Мицкоски: ВМРО-ДПМНЕ не прифаќа неуставен закон за јавно обвинителство

Ана Ололовска

Мицевски: СДСМ се обидува да ги покрие своите неспособни градоначалници и директори на јавни претпријатија

Ана Ололовска

Димитриев: Кој го убива правосудниот систем, на еден начин ја убива и државата

Ана Ололовска

СДСМ: ВМРО-ДПМНЕ се против отписот на камати и долгови

Ана Ололовска

ВМРО-ДПМНЕ: Граѓаните на Македонија ја земаат најниската просечна плата на Балканот

Ана Ололовска

ВМРО-ДПМНЕ: Криминално рекетарската влада на Заев и Спасовски пред заминување влезе во огромен скандал

Ана Ололовска