Спиро Ристовски, од Министерството за труд и социјална политика се сели во фотелјата министер за образование.
На негово место доаѓа Диме Спасов, актуелен директор на скопскиот Катастар.
Министерот за образование и наука Панче Кралев поднесе оставка на функцијата.
Кралев во оставката до премиерот Никола Груевски наведува дека од лични и семејни причини не е во можност целосно посветено да ги реализира проектите кои се планирани за следниот период.
За нов министер без ресор е предложен Џери Наумоф, додека на испразнетото заменичко-министерско место во локална самоуправа Ѓорѓија Сајкоски.
Заменик- министерот за локална самоуправа Сашо Лазаровски неодамна беше избран за советник во Општина Карпош, а потоа и за претседател на Советот на Општината.
Предлогот на премиерот за избор на новите министри ќе биде ставен на утрешната седница на Собранието, како дополнување на дневниот ред.