Кадровската политика на МВР и меѓусебната соработка при вработување на стручен кадар во рамки на Министерството беше тема на разговор на денешната работна средба на министерот за внатрешни работи Оливер Спасовски со претставниците на Здружението на дипломирани криминалисти – Скопје.
Министерот Спасовски, информираат од МВР, на претставниците на Здружението им порача дека ќе се заложи да се најде начин како МВР да ги зајакне своите капацитети преку вработување на образувани кадри, кои дипломирале на стручни теми од области што се во надлежност на Министерството.