Спасовски најавува камери за електронски надзор на сообраќајот

Од:

Министерството за внатрешни работи изготува законски измени со цел да се воведе електронски систем во надзор на безбедноста на сообраќајот со поставување безбедносни камери, кои ќе можат да препознаат одредени прекршоци и директно да изрекуваат казни за сторителите со што ќе се намали еветнуалното влијание на човечкиот фактор и ќе се скрати времето на изрекувањето на казните.

Ова го изјави денеска министерот за внатрешни работи Оливер Спасовски, кој учествуваше на тркалезната маса за проектот „Безбедно дома“, а давајќи коментар на состојбата со сообраќајните несреќи, пред се вчерашната на булеварот „Борис Трајковски“ во која загинаа 21-годишно момче и 48-годишен маж.

Спасовски не прецизираше кога би се случиле законските измени, кои би овозможиле поставување безбедносни камери за сообраќајните прекршоци, но напомена дека во земјава е потребно подигнување на јавната свест и зголемување на сообраќајната култура.

Истакна дека на булевар „Борис Трајковски“ од јануари до мај се изречени 369 казни за брзо возење, а еден од учесниците во вчерашната сообраќајка, во која за жал имаше смртни последици, имал изречено 16 казни од јануари оваа година.

-Сето ова покажува колку сите треба да бидеме свесни како се однесуваме во сообраќајот. Упатувам апел до сите граѓаните да помислат на своите деца кога седнуваат зад воланот, рече министерот за внатрешни работи.

Вчерашната несреќа, како што информира МВР, се случила околу 22 часот при судир на две возила „голф“ и „пежо“.

Во Скопје во изминатото деноноќие се случиле вкупно девет сообраќајки.

Би можело да ве интересира

Полицијата вчера издала 55 казни за непрописно паркирање

Ана Ололовска

Три вреќи со марихуана пронајдени во возило на двајца дебрани

Ана Ололовска

Српски и турски државјнин приведени на меѓународниот аеродром Скопје

Ана Ололовска

Приведени две лица од Дебар кај кои се пронајдени 20-тина килограми марихуана

Кривична пријава за тетовец осомничен за девет тешки кражби

Татјана Ташкова

Нападнат претседател на месната заедница Шупли Камен и водостопански инспектор

Татјана Ташкова