(ВИДЕО) Спасовски: МВР подготвено да обезбеди достојна и бебзедна изборна атмосфера

Од:

Министерството за внатрешни работи е целосно подготвено да обезбеди достојна и безбедна атмосфера, во која што секој наш граѓанин ќе може да си го оствари своето свето избирачко право, порача денеска министерот за внатрешни работи Оливер Спасовски во обраќање до граѓаните во пресрет на гласањето за претседателските избори.

Подготвени сме, истакна Спасовски, одлучно и бескомпромисно да го превенираме секој обид за нарушување на избирачкиот процес независно каде или од кого. Бидете сигурни дека законите и граѓанската волја ќе бидат целосно испочитувани.

– В недела секој од нас има можност да го искористи своето уставно право, суверено и самосвесно да одлучуваме за нашиот сопствен избор. Министерството за внатрешни работи, согласно своите надлежности го следи целиот изборен процес, а се со една единствена цел – денот на гласање да мине мирно, непречено и достоинствено како што прилега на едно демократско и слободно општество, нагласи Спасовски.

Како што укажува, во изминатиот период полициските службеници минале низа плански активности за квалитетно и ефикасно набљудување и обезбедување на севкупниот изборен процес од неговиот почеток до неговиот крај.

Би можело да ве интересира

Алијанса за Албанците тврди дека момчиња превезувале дрога во возило на полициски инспектор

Возач удрил во пешак па побегнал

Татјана Ташкова

Кривична пријава против двајца прилепчани, кај кои се запленети 9.900 капсули „трамадол“

Приведен полски државјанин кај кого се пронајдени фотографии од АП Криволак

Вчера казнети повеќе од 130 возачи

Кривична пријава за скопјанец за незаконско поседување пиштол