Министерот за внатрешни работи Оливер Спасовски денеска се сретна со полскиот амбасадор Јацек Мултановски со кого разговараше за мигрантската криза и за улогата на Министерството за внатрешни работи во обезбедувањето на фер и демократски избори.
Министерството за внатрешни работи информираше дека министерот Спасовски изразил благодарност за досегашната помош и поддршка од страна на Полска, особено во справувањето со мигрантската криза.
Амбасадорот Мултановски го информирал министерот Спасовски за одлуката за продолжување на активностите на 30 полски полициски службеници на македонско-грчката граница кои и помагаат на македонската полиција во справувањето со мигрантите.