Градоначалникот на општина Центар, Андреј Жерновски, според советниците во општината од ВМРО-ДПМНЕ, не знае да ја води општината и работи против интересите на граѓаните
– Жерновски треба да понесе одговорност што ја замајува јавноста и што си поигрува со најдлабоките религиозни чувства и заради тоа што испровоцира илјадници граѓани да кажат што мислат за неговата одлука. Жерновски стана градоначалник на рушењето, а не на градењето. Го слушаме вчера и денес како се обидува вината за своето неуспешно работење да ја префрли на сите други – рече Даниела Рангелова советник од ВМРО-ДПМНЕ во општина Центар.
Рангелова тврди дека со измените на ДУП-от црквата Свети Константин и Елена ќе станела дивоградба и како дивоградба, според неа, црквата ќе требa да се сруши.