Совет на Амбасадори: Стручните мислења да се инкорпорираат во новиот предлог закон за легализација на дивоградбите

Од:

Здружението Совет на Амбасадори со внимание ја следи јавната дебата за Законот за легализација на дивоградбите, која се води во професионалните тела надлежни за оваа специфична проблематика, како што е Асоцијацијата на архитектите и други слични организации.

Како што се посочува во сопштението од Здружението, Советот високо ги цени заклучоците од овие асоцијации и апелира до власта да ги инкорпорира нивните стручни мислења и ставови во новиот текст на Законот, доколку Владата одлучи повторно да го врати предлог Законот во парламентарна процедура.

-Советот на Амбасадори смета дека пратениците од власта и од опозицијата ќе го отежнат патот на Република Северна Македонија кон евроинтеграциите, доколку повторно гласаат Закон со кој се легализираат бесправно изградени објекти во „строг природен резерват, национален парк, споменик на природа, парк на природа, заштитен предел, заштитен крајбрежен појас на природни и вештачки езера и речни корита, како и во прва и втора санитарно заштитна зона на извори на вода за пиење“, стои во соопштението.

Советот, исто така, укажува дека гласањето на законски одредби кои се во спротивност со Уставот на Република Северна Македонија подлежи на морална и друга одговорност.

Советот, воедно, ги повикува лидерите на власта и на опозицијата да се откажат од некои одредби од првичниот предлог Закон за легализација на дивоградби кои, како што наведуваат, доколку повторно се дел од законскиот текст, ќе продуцираат негативен ефект и крајно лоша слика за нашата држава која се стреми кон целосна – правна и вредносна – интеграција во европското семејство.

Би можело да ве интересира

Бочварски очекува до крајот на годинава да биде готово предлог решението за новиот закон за градење

Ана Ололовска

Законот за дивоградби помина на ЕНЕР, Министерството ќе ги разгледува забелешките

Ана Ололовска

Премиерот Заев најави дека ќе продолжи отстранувањето на дивоградбите од крајбрежјето на Охридското Езеро

Ана Ололовска

Бочварски: Новиот закон за легализација е во постапка на прикачување на ЕНЕР

Ана Ололовска

ДЗС: Лани регистрирани 685 бесправно изградени објекти

Ана Ололовска

Бочварски: Драфт верзија на законот за легализација на дивоградби за две недели

Ана Ололовска