„НАТО Самитот во Велс: Иднината на алијансата и регионалната стабилност на Западен Балкан”, е темата на работилницата, што ќе се одржи денеска во Охрид, во организација на Маршал центарот на Република Македонија.
На состанокот ќе се разговара за одлуките од Самитот во Велс и како тие влијаат на иднината на Алијансата и на безбедноста на земјите од Западен Балкан.
Најавено е обраќање на министерот за одбрана Зоран Јолевски, како и учество на 30-тина експерти од земјите од регионот, универзитетски професори, политичари, претставници на НАТО и на дипломатскиот кор во Македонија.
Покровители на настанот се НАТО Секторот за јавна дипломатија и Европскиот центар за безбедносни прашања.
