Ветеринарната комора на Република Македонија денеска ќе одржи координативен состанок на членството на кој ќе биде презентирана Годишната наредба за здравствена заштита на животните за 2018 година која ја носи Агенцијата за храна и ветеринарство и ги опфаќа превентивните болести кои се спроведуваат за 2018 година од страна на ветеринарните друштва.
Значењето на овие програми, како што стои во соопштението, се состои во тоа што во неа се предвидени конкретни мерки и активности за превенција и унапредување на здравјето на животните, т.е. здравјето на населението преку превенција на одредени преносливи болести кај населението, како на пример бруцелозата. Мерките опфаќаат и превентива од одредени заболувања и состојби кои предизвикуваат и значителни економски штети кај животните кои се од важност за економски прираст на сточарството во целост.
Со имплементацијата на овие активности се гарантира сигурен здравствен статус кај животните т.е. на целокупното јавно здравје.