СОС Детско село и општина Шуто Оризари потпишаа Меморандум за соработка

Од:

Унапредување на состојбата на децата без родители и родителска грижа и децата и семејствата во социјален ризик е целта на Меморандумот за соработка и заедничко делување што денеска го потпишаа СОС Детско село Македонија и општина Шуто Оризари.

dobivaj vesti na viber

Од СОС Детско село Македонија информираат дека покрај згрижувањето веќе десет години ја реализираат и програмата за социјална превенција односно превенција на деца и младинци од губење на грижата на своите биолошки родители.

По потпишувањето на Меморандумот во просториите на Советодавниот Центар за родители и деца во Шуто Оризари, директорката на СОС Детско село Македонија, Александра Ивановски посочи дека главниот фокус на нивното работење е детскиот развој во грижлива семејна средина.

– Тоа го остваруваме преку развојот на детето во различни области, како што се физички, емоционални, интелектуални, општествени, културни и духовни и зајакнување на различните форми на семејства за да обезбедат грижлива семејна средина каде што детето ќе може да формира доверливи, поддржувачки и трајни односи. Како организација делуваме и на остварување на детските права и градење на капацитети на заедниците за поголема грижа за децата во ризик. рече Ивановски.

Според неа, за успешно и транспарентно реализирање на овие програми, како и за покревање на свеста на заедницата за нужноста од поддршка на децата и семејствата во социјален ризик, неопходно е вмрежување на невладини и владини организации, поединци и групи, кои несебично ќе го дадат својот придонес на полето на кое тие се успешни и поседуваат знаење и вештини.

Ивановски и градоначалникот на општината Шуто Оризари, Курто Дудуш изразија подготвеност за зајакнување на меѓусебната соработка, со цел подобрување на координацијата при поддршката на најранливата категорија на деца и семејства во оваа општина.

Би можело да ве интересира

Нова хуманитарна кампања на Винчини со омилениот производ кој е уникатен со вкус и единствен со хуманитарната вредност ROCKY

Катерина Павлова-Николовска

Првото кумство на згрижувачко семејтво во СОС Детско село

АУЕ – ФОН организираше донација на книги за СОС Детско Село

Интервју со Национална директорка на СОС Детско село Јулијана Гапо

Вработените во Зегин бојадисуваа велигденски јајца со децата од СОС Детско село

А1он

Тренчевска: Oтворен нов Центар за поддршка на згрижувачки семејства во рамки на СОС Детско село

А1он