Соработка на ФЕИТ со лидерот за мрежна безбедност Palo Alto Networks

Од:

Факултетот за електротехника и информациски технологии (ФЕИТ) стана дел од академската мрежа на светскиот лидер во областа на мрежната безбедност – Palo Alto Networks. Со тоа, велат од ФЕИТ, на студентите на факултетот, поконкретно на модулот Телекомуникации и информациско инженерство (ТКИИ), ќе им се овозможи запознавање и практична работа со опремата на Palo Alto Networks и нивно сертифицирање во областа на мрежна безбедност.

– Во рамки на лабораториските вежби од модулот, студентите бесплатно ќе добијат виртуелен пристап до лабораториите на Palo Alto Networks каде ќе можат практично да работат на конфигурирање на мрежна опрема. Обезбедени се и електронски и видео материјали за обука. Сето ова е во согласност со последните напори на ФЕИТ да го зголеми практичното знаење на студентите и да им овозможи допир со практични проблеми во текот на студирањето релевантни на пазарот на труд. Студентите кои ќе работат на опремата на Palo Alto Networks ќе бидат охрабрувани да полагаат курсеви од Palo Alto (понудени бесплатно за нив) со што би се сертифицирале во доменот на мрежно администрирање и специфично мрежна безбедност, изјави Владимир Атанасовски, продекан за финансии на Факултетот за електротехника и информациски технологии и контакт лице за Академијата.

Според Атанасовски, со овој чекор студентите на модулот ТКИИ, по нивното дипломирање, ќе имаат големо практично искуство и многу полесно би се вклопиле во работата на било која компанија како мрежни администратори.

Би можело да ве интересира

МОН: Поради голем интерес до 25 декември може да се аплицира за финансиска поддршка за учениците

Осум важни достигнувања за осум години: Иновации на Бреинстер што го менуваат образованието

Горан Наумовски

Септемвриските плати во основното и средното образование ќе бидат повисоки за 15 oтсто

МОН ветува – ниту еден наставник нема да биде отпуштен, ниту ќе добива помала плата

А1он

Егзодус во Прилеп: 300 деца отпишани од училиште за шест месеци поради селење во странство

Катерина Ѓуровски

Усписите на ученици во средно образование во две пријавувања во јуни

Ана Ололовска