Сопруга на актуелен пратеник и еден функционер биле меѓу жртвите на четворицата крадци кои се уапсени деновиве, објави Канал 5.
МВР апелира до сите граѓани кои во споменатиот период биле жртви на кражби, детално да го погледнат видеото и доколку некој од покажаните предмети го препознаат или се сомневаат дека е нивна сопственост да се обратат во СВР Скопје. Оттаму известуваат дека дел од предметите им се вратени на сопствениците.
Криминалната „четворка“ е уапсена после неколку месеци во кој период извршиле многу кражби при што одзеле предмети вреднувани на околу 17.000 евра. Тие направиле и голема штета додека се обидувале да провалат во објектите кои им биле мета. Станува збор за 45-годишниот Н.Д.(45), три години постариот К.Х., 25-годишниот М.И. и најмладиот, дваесетгодишниот В.К., сите од Скопје.