Сообраќајот на сите државни патишта во Македонија се одвива тековно по влажни коловози. Интензитетот на сообраќај на патните правци надвор од градските средини е умерен. Слаби врнежи од дожд има низ цела Македонија. Појава на магла со видливост до 100 метри има на планинскиот премин Стража.
АМСМ и Македонија пат предупредуваат дека во клисурите и усеците можна е појава на помали одрони, особено на патните правци: Кочани – Делчево, Виница – Берово, Маврово-Дебар-Струга, Д.Капија – Удово и Катланово-Велес.
На граничните премини нема подолги задржувања за влез и за излез од државата.
На учесниците во сообраќајот им се препорачува внимателно управување со возилата, почитување на поставената сообраќајна сигнализација, како и прилагодување на брзината кон условите на патот.
Надлежните потсетуваат и дека од 15 ноември започнa законската обврска за поседување зимска опрема во возилата, без оглед на моменталната временска состојба. Оваа обврска ќе трае до 15 март 2015 година.