Сообраќајот на сите државни патишта во Македонија се одвива без забрани, по влажни коловози, информира Автомотосојузот на Македонија.
Интензитетот на сообраќај на патните правци надвор од градските средини е умерен.
На граничните премини нема подолги задржувања за влез и за излез од државата.
АМСМ и Македонија пат предупредуваат дека во клисурите и усеците можна е појава на помали одрони, особено на патните правци: Катланово – Велес, Маврово – Дебар – Струга, Демир Капија – Удово, каде е можна почеста појава на одрони.