Сообраќајна незгода меѓу патничко возило „сузуки балено“ и комбе „фолксваген“ се случи утринава на булеварот „Асном“ кај хотелот „Хилтон“ во Аеродром. Од ударот, уништен е предниот ден на возилото за транспорт, кое заврши качено на тротоар.
Интервенираше и Противпожарната единица. Од таму велат дека биле повикани од Брзата помош.
Од Министерството за внатрешни работи засега нема информации за повредени лица, но од очевидци на терен две лица со возила на Брза помош се пренесени во болница.
На местото на несреќата увид врши екипа на Министерството за внатрешни работи.
Оттаму повеќе детали најавуваат за подоцна.