Двајца жители на селото Батинци се приведени вчера затоа што се истепале со човек од Морани кој се здобил со тешки телесни повреди. Хаосот настанал поради сообраќајот на булеварот „Борис Трајковски“ во Скопје. Настрадала и жената која била сопатничка на тешко повредениот, а се обидувала да ги раздели тепачите.
– На 12.08.2023 во 16.20 часот полициски службеници од СВР Скопје ги лишиле од слобода Е.Б.(42) и Е.Б.(39), двајцата од с.Батинци, скопско, поради тоа што околу 13.40 часот на бул.„Борис Трајковски“, по претходна расправија околу сообраќајот, учествувале во физичка пресметка со О.З.(26) од с.Морани, кој бил заедно со 52-годишната Б.З.. Во пресметката О.З. се здобил со тешки телесни повреди, а Б.З. била физички нападната, во обид да ги раздели. По целосно расчистување на случајот ќе следува поднесок, се вели во известувањето од МВР.