МВР извести дека ноќеска во СВР Скопје било пријавено дека на сервисна улица која ги поврзува улицата „Бутелска“ со булеварот „Христијан Тодоровски Карпош“ во Скопје, возило „фолксваген“ управувано од И.К.(31) од Скопје, удрило во пешакот Б.П.(36) од Скопје.
Во несреќата со тешки повреди се здобил пешакот, констатирани во Комплексот клиники „Мајка Тереза“, а со телесни повреди се здобил возачот, констатирани во градската општа болница „Св.Наум Охридски“.
Извршен бил увид од увидна екипа од СВР Скопје.