Во сообраќајна несреќа која се случи синоќа во 23.10 часот во Гостивар тешко е повредена жена, извести полицијата.
Сообраќајката се случи на улицата „Беличица“. Возило „пежо“ управувано од Л.Ќ.(23) од Гостивар се судри со возило „фолксваген голф“, чиј што возач по незгодата избега од местото на настанот.
Во несреќата со тешки телесни повреди се здоби Л.Ќ. констатирани во Медицински центар Гостивар.
По преземени мерки возилото „голф“ било пронајдено и било утврдено дека е сопственост на Б.Ч.(43) од Гостивар.
Увид на местото извршила екипа од ОВР Гостивар и се преземаат мерки за расчистување на случајот.