На патниот правец Госитвар – Кичево кај месноста Сатеска во близина на Зајас попладнево во 15 часот се случи сообраќајна несреќа во која нема повредени лица.
Од Секторот за внатрешни работи – Охрид потврдија дека во сообраќајката учествувале четири возила. Полицијата врши увид на местото на несреќата.
Поради несреќата сообраќајот на овој патен правец се одвива наизменично по една коловозна лента во двата правца. Поради тоа движењето на возилата е делумно забавено.