Наставниците ќе штрајкуваат сѐ додека не почнат преговори со Министерството за образование, одговори синдикалната организација на предлогот на министерот за образование, наука, Абдулаќим Адеми дека е подготвен за преговори откако ќе прекине штрајкот на просветните работници.
„За нас е неприфатлива понудата на министерот за образование за прекин на штрајкот и почнување на преговори. Таквата понуда е против Уставот и против меѓународните конвенции за правото на штрајк“, велат од СОНК.
Од таму велат дека ќе штрајкуваат се’ додека не почнат преговори со министерството.
Министерот Адеми во интервју за ТВ Алсат-М изјави дека Министерството е подготвено да разговара со СОНК откако ќе го прекинат штрајкот.