Времето денеска ќе биде сончево со умерена облачност. Ќе дува слаб до умерен ветер од северозападен правец, информираат од управата за хидрометеоролошки работи.
Утринската температура ќе се движи од четири до 12, а дневната од 15 до 25 Целзиусови степени.
Во Скопје, сончево со умерена облачност. Ќе дува слаб до умерен ветер од северозападен правец. Утринската температура ќе се спушти до девет, а дневната ќе се искачи до 20 степени.
Во текот на работната седмица ќе преовладува променливо облачно време, во првите два дена посвежо, а потоа со пораст на температурата. Врнежи од дожд се очекуваат во понеделник попладне, претежно во јужните делови од земјава.
