Како дел од серијалот пресови за обелоденувањето на сите неправилности и прекршоци на Изборниот законик, денес од „Сојузот за иднината“ – Битола со нов случај на „злоупотреба и фалсификат, кои се случиле на 24 март“:
„Во низа констатирани неправилности, злоупотреби и фалсификати, еден од најдрастичните беше случајот кога претседателите на избирачки одбори од избирачките места 65 и 66 неовластено ги понесоа дома избирачките списоци и печати“.
Иако од „Сојузот за иднината” реагирале со претставка уште пред почетокот на изборниот ден, сепак гласањето се одржало по лична асистенција на претседателот на Општинската изборна комисија од Битола.
„Во Кривичниот закон, во член 164 стои: Секој оној што ќе влијае на кој било начин врз изборниот материјал, особено во случај кога тоа го прави член на изборачки одбор, ќе сноси кривична одговорност со предвидена казна затвор од најмалку 5 години“.
За сторителите на овие прекршоци за време на изборниот ден од „Сојузот за иднината“ најавија кривични пријави.
„Затоа пред Основаното јавно обвинителство е поднесеме кривични пријави против: Цветанка Ристевска, претседател на ИО број 65, вработена во Општина Битола како портпарол на кандидатот за градоначалник на ДПМНЕ од Битола, и Татјана Стаменковиќ ,претседател на ИО 66, вработена во ОУ Коле Канински-Битола“, изјави Благојче Котески од “Сојузот за иднината“.