Поранешниот воен разузнавач, Горан Софески утринава е пронајден мртов во шумскиот појас во близина на селото Раштани, пет километри од Кичево, откако синоќа бил пријавен за исчезнат. Во тек е увидот на местото на настанот, поради што од Министерството за внатрешни работи не можат да откријат повеќе детали.
Софески последен пати бил виден синоќа, кога излегол од дома на спортски лов и не се вратил. Утринава, околу 7.00 часот, бил пронајден мртов од страна на случаен минувач.
Не се познати причините како настапила смртта. Според некои извори Софески починал под сомнителни околности. Се споменува дека бил чест критичар на власта и дека во минатото бил заслужен за откривање на многу афери.
Софески бил близок до членови на опозицијата. Имал 44 години.