Политичките партии договорија, предвремените парламентарни избори ќе се одржат на 11. декември. Според законските рокови, Собранието треба да се распушти на 12 октомври.
На 18.ноември, ДИК мора да ги објави листите со кандидати за пратеници, а на 21 ноември започнува изборната кампања.
Државната изборна комисија соопшти дека Избирачкиот список, на кој има 1.770.736 граѓани со право на глас, или 9.392 избирачи помалку од парламентарните избори во 2014 година, го доставила до сите политички партии на 30 август. Јавниот увид во списокот ќе биде можен од 27 октомври до 16 ноември, кога тој и официјално ќе се затвори.