Без дискусија Собранието ја изгласа Предлог одлуката на ДУИ и ДПА за измена на одлуката за распуштање на Парламентот.
Според новата одлука, изгласана со 83 гласа „за“ и три гласа „против“ Собранието ќе се распушти на 7 април, односно 60 дена пред избори, со што се поништува одлуката за избори на 24 април, а новиот датум е 5 јуни.
Владејачкото мнозинство и оваа одлука ја донесе само, односно без гласови од пратениците од опозицијата кои не ја гласаа ниту минатата одлука изборите да се одржат на 24 април.
Собранискиот спикер Трајко Вељаноски истакна дека опозициските министри и дополнителни заменици министри од техничката влада ги повлекле своите оставки, по што следуваа низа негативни коментари од страна на владејачката ВМРО-ДПМНЕ.
Претседателот на Собранието, Трајко Вељаноски соопшти дека министрите и замениците министри од редовите на СДСМ вечерва ги повлекоа оставките.
Александар Тодески