Собранието распиша оглас за тројца членови за Граѓанскиот совет за надзор на ОТА. Пратениците од ВМРО-ДПМНЕ гласаа против бидејќи, како што велат, се објавува парцијален оглас, само за избор на половина членови.
„На огласот за избор на Граѓанскиот совет за надзор на ОТА не го послушавме гласот на јавноста дека не треба парцијален оглас, избравте 4 и сега распишавте оглас за тројца, на тој начин се става темна дамка, вие како парламентарно мнозинство го обележувате тој совет. Ак0 не е наведено во огласот, сепак треба да се изберат двајца кандидати од малцинствата“, рече Зоран Илиоски од ВМРО-ДПМНЕ.
Пред две недели беа избрани 4 членови на Граѓанскиот совет – поранешната судијка Маргарита Цаца Николовска, професорот Гордан Калајџиев, Филип Стојановски и Ице Илиевски. Цаца Николовска ќе претседава со Советот.
Галена Николовска-Ризвановиќ