За денеска во 12 часот е закажана 25. седница на Собранието на Република Македонија на која што ќе се расправа за одземање на имунитетот на шестмината пратеници осомничени од Судот за настаните од 27. април.
Претседателот на македонското Собрание, Талат Џафери ја закажа седницата по вчерашата одлука на Комисијата за деловничко и мандатно-имунитетни прашања за симнување на имунитетот на шестмината праници од коалциијата на ВМРО-ДПМНЕ.
Станува збор за пратениците Крсто Мукоски, Жаклина Пешевска, Љубен Арнаудов, Љупчо Димовски, Јохан Тарчуловски и Сашо Василевски.
На собраниската седница за симнување на имунитетот потребно е да гласаат 61 пратеник.
