Собранието на Република Северна Македонија денеска ќе ја одржи 131. седница, на чиј дневен ред се поголем број измени и дополнувања на закони од повеќе области.
Како што е најавено, пратениците ќе расправаат за Предлогот за избор на член на Државниот совет за превенција на детско престапништво, за Предлог-одлуката за испраќање припадник на Армијата на Република Северна Македонија за учество во мировната операција на ЕУ „АЛТЕА“ во Босна и Херцеговина.
На дневен ред се и Предлог-одлуките за испраќање припадници на Армијата за учество во мировната операција „Одлучна поддршка“ во Исламската Република Авганистан, за учество во мировната операција „EUTM RCA“ во Централноафриканската Република, за учество во мировната операција на Организацијата на Обединетите Нации „УНИФИЛ” во Република Либан.
На агендата на 131. седница се и Предлог-законот за ратификација на Минамата Конвенција за жива,
Предлог-законот за ратификација на Амандманот кон Монтреалскиот протокол за сустанциите што ја осиромашуваат озонската обвивка, Предлог-законот за управување со движењето на предметите во судовите, по скратена постапка…
Пратениците ќе дискутираат и за измените и дополнувањата на Законот за преземање на акционерските друштва, во второ читање, за Законот за снабдување со вода за пиење и одведување на урбани отпадни води, по скратена постапка…