Собранието ги донесе измените на Законот за тутун

Од:

Собранието на Република Македонија денеска, во рамки на 67. седница, со 60 гласови „за“, по итна постапка, го донесе Законот за изменување на Законот за тутун и тутунски производи.

Целта на измените, како што образложи заменик министерот за земјоделство, шумарство и водостопанство Зоран Коњановски, е, пред се, усогласување на правната рамка со измените на Законот за акцизи.

Од примената на новите решенија се очекува да се подобри и зголеми наплатата на надоместоците од правните лица кои увезуваат и произведуваат тутунски производи.

Според измените, надоместокот што досега го плаќаа правните лица произведувачи или увозници на тутунски производи се укинува и ќе биде обединет во заедничка, комбинирана акциза со ист фискален ефект кој и до сега беше распределуван на Министерството за земјоделство од државниот Буџет.

Се укинува и надоместокот на тутунските добра, односно се обедунува со акцизата за тутунските производи.

Новиот Закон предвидува за финансирање на активностите во примарното тутунско производство и за промоција на извозот средства да се обезбедуваат од Буџетот на Република Македонија.

Би можело да ве интересира

Собранието го донесе Законот за медиуми и други закони

Горан Наумовски

МЗШВ: Собранието го донесе новиот закон за вино, лозарите добиваат гарантирана откупна цена на винското грозје

Нов парламентарен состав до 28 мај

Катерина Ѓуровски

Последната седница на овој парламентарен состав ќе се одржи до крајот на месецов

Не е донесен Законот за игри на среќа, постапката заврши

Катерина Ѓуровски

СДСМ предлага отворање медицински факултет во Битола, ВМРО-ДПМНЕ смета дека нема услови