Досега се обезбедени вкупно 1732 единици ковалесцентна плазма, со која е третиран 1431 пациент, велат здравствените власти.
Од Институтот за трансфузиона медицина информираат дека од 1732 единици ковалесцентна плазма, 157 единици се собрани преку аферезна процедура а останантите преку стандардно дарување.
-Со ваквиот највисок чин на хуманост, граѓаните кои се оздравени имаат можност да им помогнат на тие кои во моментот се борат со коронавирусот. Преку даруваната конвалесцентна плазма, антителата на оздравените пациенти се користат во сузбивање на болеста кај друго лице со Ковид-19, велат од Министерството за здравство.
Оттаму објаснуваат дека лицето дарител на конвалесцентна плазма треба да има документиран лабораториски доказ дека било болно од Ковид-19, да биде минимум 21 ден без симптоми, по што се прави дополнителен тест за потврда дека нема присуство на вирус.
-Потсетуваме дека Институтот за трансфузиона медицина е достапен во секое време и сите оздравени пациенти кои ги исполнуваат условите за дарители, може да се јават за детални информации и закажување во Институтот за трансфузиона медицина, да ја покажат својата хуманост и да помогнат во лекувањето на другите заболени со Ковид-19, велат од Министерството.