Продолжува акцијата за собирање на кабаст отпад во Општина Кисела Вода. Откако вчера сезонски работници ангажирани од страна на локалната самоуправа преку Секторот за месна самоуправа и социјална грижа ги подигнуваа старите и непотребни предмети со погабаритна големина од жителите на Пржино и Црниче, денеска акцијата продолжи во Цветан Димов и Бирарија.
Граѓаните од овие две урбани заедници кабастиот отпад треба да го изложат во периодот од од 07:00 до 11:00 часот, пред своите домови, колективните згради на пошироките улици, на начин што истиот нема да го попречува движењето на пешаците и возилата, како и местото да биде пристапно за возилата на Општина Кисела Вода. Утре, пак, ќе се собира габаритниот отпад од урбаните заедници Кисела Вода и Расадник.
За останатите месни и урбани заедници кои ќе бидат опфатени во наредните седмици, жителите ќе бидат навремено известени преку општинската веб страница и преку референтите во подрачните канцеларии на нивните месни и урбани заедници, соопштуваат од Општина Кисела Вода.