Како дел од проектот за безбедни училишта поддржан од страна на ОБСЕ, илјадници ученици од девет градови низ државата ќе се соберат во четврток за да испратат универзална порака против насилство во училиштата.
Илјадници ученици од средните училишта од Битола, Охрид, Тетово, Прилеп, Гостивар, Македонски брод, Кичево, Струга и Градот Скопје, поддржани од претставници на Мисијата на ОБСЕ во Скопје, Министерството за образование и наука, Министерството за внатрешни работи, локалната самоуправа, наставници, родители и граѓани ќе се соберат на главните плоштади за да испратат единствена порака против насилството во училиштата.
Собирите ќе се случат на главните плоштади во секој од горе споменатите градови, освен во Градот Скопје каде собирот ќе биде организиран во Градскиот парк на „Школка“, со почеток во 13:00 часот.