Тепање, влечње, солзи. Обезбедувањето на ваков начин ги исфрли од собраниската сала пратениците од опозицијата.
Бремена пратеничка од опозицијата беше брутално исфрлена, нападната беше и пратеничката Радмила Шеќеринска и еден од поранешните претседатели на Собранието, Тито Петковски.
Ова е фашизам, ова е невидено, извикуваа револтираните пратеници кон обезбедувањето.
Откако беше избркана опозицијата беше внесен претседателот на Собранието, Трајко Вељаноски, кој ја започна седницата на која според најавите треба да се донесе и буџетот.
Внатре во Собраниската сала е и министерката Гордана Јанкулоска и министерот за финансии Зоран Ставрески.