За само два дена, колку што е во сила двонасочниот сообраќај на улицата „Трст“, па сè до улицата „Маршал Тито“ во Штип, изречени се над 30 казни за возачите што не ја почитуваат сообраќајната сигнализација и поставените знаци со кои се забранува паркирање на улицата „Трст“.
Возачите што добија казни се правдаат дека причина за ваквата постапка биле навиките, бидејќи еднонасочниот сообраќај на оваа улица траеше повеќе од 5 години, а во тој период паркирањето беше дозволено.
Сообраќајниот инспекторат уште еднаш апелираше до граѓаните дека паркирањето на улицата „Трст“ повеќе не е дозволено, освен онаму каде што постои обележан паркинг-простор. Од инспекторатот истакнуваат дека граѓаните на Штип или не ги забележуваат новопоставените сообраќајни знаци или возат по инерција.
Недостатокот на информацијата за новиот сообраќаен режим овојпат дел од штипјани скапо ги чинеше.