Со „Клинички патеки“ до поквалитетна здравствена нега

Од:

„Клинички патеки“ е новата крупна реформа што ја воведува Министерството за здравство, која ќе има сериозно позитивни ефекти на неколку аспекти на функционирањето на здравствениот систем во целост, информира министерот за здравство Никола Тодоров на денешната прес – конференција.

Овој проект е долгогодишна пракса во сите современи здравствени системи, потенцира Тодоров, но и затоа што сериозно влијае на намалување на клиничките компликации, на лекарските грешки, има позитивно влијание на намалување на болничкиот престој на пациентите, за полесно и подобро следење на финансиските трошоци за секоја процедура, за да не се избегне ниту една процедура пропишана да се преземе за секое заболување…

Ова ќе биде дел од здравствената евиденција што задолжително треба да ја води секоја здравствена установа. Ова се процедури кои што треба да се направат за секоја конкретна дијагноза. Ова ќе има силно влијание на квалитетот на здравствената нега, рече министерот Тодоров, додавајќи дека засега не се предвидени санкции доколку не се испочитува обврската за „Клиничките патеки“, но доколку пациентот смета дека не се преземени потребните процедури може да се жали до Министерството за здравство каде што ќе се направи контрола.

На овој начин здравствените власти, пациентите и здравствените работници, истакна Тодоров, во секое време ќе знаат која здравствена процедура треба да се преземе.

Клиничките патеки треба да бидат готови до средината на ноември, по што официјално ќе бидат објавени во службен весник. Досега се направени над 40 „Клинички патеки“, од кои најмногу за Инфективната клиника.

Би можело да ве интересира

Министерот Клековски: Нездравата исхрана и неактивноста се коренот на проблемот, потребни се радикални превентивни мерки

Клековски: Дополнителната работа на лекарите вработени во јавното здравство не треба да е хаотична, анархична и со можности за злоупотреби

Пристигнаа сто нови возила за итната помош, се унапредуваат условите за иницијален третман на пациентите уште при транспортот

Смртноста на државна кардиохирургија бара јасни одговори

Предраг Петровиќ

Бесплатно советувалиште во Центар за дојка

„Крварев и умирав од болки“ – медицинска сестра сведочи за голготата која ја минала во три болници

Катерина Ѓуровски