Аплауз за херојството на нивниот Мите, плач и лелек за ненадоместливата загуба.
Вака најблиските, пријателите, и цела Струмица се простија од 30-годишниот Мите Ѓоргиев, кој доброволно се јави и се жртвуваше за справување со огнените јазици и за спас на неговата Струмица.
Мите не го дочека својот првенец, неговото дете на свет ќе дојде за неколку месеци.
Мите, подлегна на тешките изгореници од подметнатиот пожар над Струмица.
Тој беше третата жртва од огнената стихија.