Со 66 приговори ВМРО-ДПМНЕ сака да ја оспори победата на Андреј Жерновски во Центар. Имаат поднесено приговори, колку што има гласачки места во Центар.
Жерновски победи и во првиот круг, а го победи Тодоровиќ и во вториот изборен круг . Кандидатот на ВМРО-ДПМНЕ, Тодоровиќ освои 13.402 гласа, а Жерновски доби подршка од 14.383 жители на Центар.
Дел од медиумите имаат видео материјал, на кој јасно се гледа, дека во Центар власта дозволи да гласаат и фантомските гласачи од Пустец и Корча од Албанија.
Сите имаа лични карти од МВР за живеалиште во Центар, во станови и на функционери на ВМРО-ДПМНЕ.
Жителите на Албанија не знаеја да одговорат каде живеат, а дел од нив и кажуваат дека се од Ресен, а тука се дојдени на лекување.
Државната изборна комисија ќе одлучува за приговорите за Куманово, Центар и Струга. ДИК има рок од 48 часа да одлучи по приемот на приговорите.
Како опција, ако подносителот на приговорот е незадоволен, е и тужба до Управниот суд, чии одлуки се конечни.