Пратениците со аплауз ја поздравија одлуката со која Собранието со 114 гласа “за” го усвои протоколот за членство на државата во НАТО.
Во салата беа присутни 116, при што двајца пратеници не гласаа за одлуката.
Ратификацијата почнува да важи по објавата во Службен весник, откако шпанскиот парламент ќе ја изгласа како последна 29 членка на НАТО, со што државата станува 30 та полноправна членка на Алијансата.
Историскиот чин следи по долгогодишната заложба на земјата за членство во НАТО.
Членството во НАТО кое беше блокирано од 2008, се откочи со потпишувањето на Преспанскиот договор, со кој беше надминат повеќе деценискиот спор со името со Грција.
По завршувањето на гласањето, пред Собранието со свечена церемонија беше кренато знамето на НАТО.
